JOLMA NA MALO
Di sada huta na margoar "si Lopak" maringan ma sada keluarga, nasida sajabu lima halak, amantai, inanta i, dohot tolu anakka sude baoa, jala digoari do keluarga on dihuta i keluarga "si Ergek" ala ganup ari do ngolu nasida mansai ergek molo sai pinamanat manang ni parrohahon tohodo nasida keluarga "si Ergek" ai tarida do sian angka goar ni gellengna na tulu i pe goar na mansai ergek tutu uli do. Siangkangan mai anak buhabaju namargoar "Pasu-pasu Nagodang", sipaitonga manang si nomor dua na margoar "Ima Roha Nasonang" jala sianggian manang siampudan na margoar "Mansai Uli". Ngolu na sida ngolu na marlasroha do, mansai maol do dapotta sian keluarga on hagunturon manang suara na gogo, ala sai lambok do nasida sude molo marpanghuling manang dompak ise pe. Alai ganup ari do jumpangta manang berengonta sian nasida angka naergek.
Bege hamuma asa hu saritahon ...
Dung magodang anak na na tolu i, manghata-hatai ma amantai dohot inantai, laos marsangkapma na sida naeng pangolihon anaknai tu boru ni tulangna. Alai marungkil do nasida anak sipaipiga do jujuonna laho mangalap boru ni tulang nai. Tutu burju burjudo anakna natolu i. Alai ise ma na undenggan ate...ima di dok roha nasida. Dung manghataihatai nasida dibuat ma haputusan lokma tulang na mamillit sian halahi natolu manang ise didok roha ni tulang nai na gabe helana. Alai songon dia ma bahenonta paborhatonta do nasida natolu tu huta ni tulang na rap, manang marsada-sada do. Alani ditotophon ma lok ma marsada-sada borhat molo di paulak tulang na i ibana nasolomo do rohana di si. Antong uli mai.
Dung adong hapotusan i marsangkap ma amantai dohot inantai laho paborhathon anaknai. Alai jomolo ma nian anakna siangkangan i. Dungi di jou ma anak na (siangkangan i), di pabotohon ma adongdo tulangmu jala laos adongdo boruna na mansai uli na margoar "si Nami" di huta "si Amporik" jala namora jong do tulang mu, godang horbona jala laos godang haumana nang artana. Ala naung magodang ho, laho ma ho jala alap ma ibana asa adong parumaen nami (parsondukbolon mu).
Dung di titi ari borhat ma antong anak panggoaran nai, ima buha baju nai, siangkangan i...ala daodo huta ni tulang nai sian huta nasida ingkon pola do mamolus borngin asa sahat tu huta ni tulang nai. Di pardalanan semangat do ibana jala las roha na ala laho mangalap boru ni tulang ninna rohana, ndang di hilala ibana na dao pardalanan i.
Bersambung .................
No comments:
Post a Comment